[prenta uppsett í dálka] 128. fundur, 122. lþ.
Félagsmálaráðherra (Páll Pétursson) (andsvar):
Herra forseti. Það gæti alveg eins verið hægt að halda því fram að hv. stjórnarandstæðingar væru að ganga erinda verkalýðshreyfingarinnar en sums staðar sameinast þetta í einum og sama manninum eins og hinum hv. þm. Alþb. og óháðra. Þeir sem eru ánægðir í félagslega kerfinu geta bara búið áfram ánægðir í sínu félagslega kerfi og það verður ekkert af þeim tekið. Þeir halda öllum réttindum sínum. Við erum að reyna að skapa betri kost fyrir þá sem koma nýir inn í kerfið.
