Bryndís Hlöðversdóttir:
Herra forseti. Það var sýnt fram á það hér við 2. umr. um þetta mál að frv. er ekki til þess fallið að auka öryggi landsmanna í húsnæðismálum. Frv. er ekki til þess fallið að auka jafnrétti landsmanna í húsnæðismálum. Þvert á móti er lægst launuðu hópunum vísað út á guð og gaddinn. Félagslega samhjálpin í húsnæðiskerfinu lögð niður án þess að nokkuð tryggt komi í staðinn. Tilgangur frv. er því ekki í samræmi við efni þess og vísa ég því allri ábyrgð á þessu frv. á hendur ríkisstjórninni og greiði ekki atkvæði.