Kristín Ástgeirsdóttir:
Hæstv. forseti. Með þessari grein er verið að stofna nýja ríkisstofnun en Húsnæðisstofnun ríkisins er þar með lögð niður. Þetta gerist án þess að réttindi starfsfólks séu tryggð á nokkurn hátt í lögunum. Ekki er einu sinni vilji til þess að kveða á um forgang starfsfólks að störfum. Þetta er algerlega óviðunandi og ég greiði atkvæði gegn þessari grein.