Kristín Ástgeirsdóttir:
Hæstv. forseti. Þessi grein felur það í sér að verið er að leggja aukinn kostnað á sveitarfélögin með 5% viðbótarláni sem enginn veit reyndar hversu mörg verða en það alvarlega í þessu máli er það sem felst í 2. mgr. greinarinnar þar sem segir, með leyfi forseta:
,,Félagsmálaráðherra er með reglugerð heimilt að hækka eða lækka hlutfallið að fenginni slíkri endurskoðun og umsögn Seðlabanka Íslands.``
Ráðherra er sem sagt heimilt að hækka eða lækka framlög sveitarfélaganna eftir því sem honum hentar. Þetta eru vinnubrögð sem er ekki hægt að sætta sig við, herra forseti.