[prenta uppsett í dálka] 131. fundur, 122. lþ.
Ásta B. Þorsteinsdóttir (andsvar):
Virðulegi forseti. Það fólk sem hefur þær tekjur sem öryrkjar hafa almennt, og ég geri ráð fyrir því að hæstv. félmrh. þekki þær tekjur, hefur ekki möguleika á því að standa undir dýrari húsaleigu en það greiðir í dag. Segja má að bylting hafi orðið í húsnæðismálum fatlaðra þegar þeir fengu heimild til þess að byggja mannsæmandi íbúðir í félagslega kerfinu fyrir sitt fólk. Ég tel að með þessu kerfi þar sem ekki er gert ráð fyrir öðru en markaðsvöxtum, verði veruleg hækkun á húsaleigu, það er hætt að niðurgreiða vexti, og verið sé að stefna þessu kerfi í voða. Telur hæstv. félmrh. að fatlaðir og öryrkjar geti staðið undir þeim kjörum sem þarna verða í boði?
