Félagsmálaráðherra (Páll Pétursson) (andsvar):
Herra forseti. Ég fæ með engu móti séð að hægt sé að gera samning í líkingu við þennan sem hv. þm. hefur þráfaldlega verið að vitna til.
Ég vil að endingu láta þess getið að mér finnst þreytandi og hef áhyggjur af því að hlusta á allt það vantraust sem hér hefur komið fram í garð sveitarstjórnarmanna, að ætla sveitarstjórnarmönnum alltaf það versta. Ég held að þarna sé um ágætisfólk að ræða og ég ber fyllsta traust til íslenskra sveitarstjórnarmanna, bæði á suðvesturhorninu og annars staðar á landinu.