[prenta uppsett í dálka] 133. fundur, 122. lþ.
Svavar Gestsson (andsvar):
Herra forseti. Það er von að hv. þm. Svavar Gestsson skuli vilja koma á þessu sovétkerfi, eins og Ari Teitsson, Guðmundur Lárusson, Guðmundur Þorsteinsson, Hjörtur Hjartarson, Pétur Helgason, Guðmundur Bjarnason og Friðrik Sophusson. Það er von að hv. þm. Svavar Gestsson skuli vilja koma á þessu sovétkerfi. Þetta blaður er hv. þm. Hjálmari Jónssyni ekki sæmandi og er þá langt til jafnað.
Veruleikinn er sá að fjöldinn allur af bændum, aðallega minni mjólkurbændur í þessu landi, sjá vonir um að auka við sinn bústofn hverfa með þeirri aðferð sem verið er að koma á með tillögum Sjálfstfl., sem helmingurinn af Framsfl. í landbn. stendur að. Nú er hér í salnum helmingurinn af Framsfl. í landbn., hv. þm. Guðni Ágústsson. Hann liggur undir grun um að vera sá sem stendur að þessu með íhaldinu nema hann þvoi það af sér.
