Forseti (Guðni Ágústsson):
Borist hefur svohljóðandi bréf:
,,Þar sem Halldór Ásgrímsson, 1. þm. Austurl., er á förum til útlanda í opinberum erindum og getur því ekki sótt þingfundi á næstunni leyfi ég mér með vísun til 2. mgr. 53. gr. laga um þingsköp Alþingis að óska þess að 2. varaþm. Framsfl. í Austurl., Kristjana Bergsdóttir kennari, taki sæti á Alþingi í fjarveru hans og forföllum 1. varaþm. flokksins í kjördæminu.
Þetta er yður hér með tilkynnt.
Valgerður Sverrisdóttir,
formaður þingflokks Framsfl.``
Enn fremur hefur borist svohljóðandi bréf:
,,Vegna anna á næstunni sé ég mér ekki fært að sækja þingfundi og óska því eftir að 2. varaþm. Framsfl. í Austurl., Kristjana Bergsdóttir kennari, taki sæti Halldórs Ásgrímssonar, 1. þm. kjördæmisins, í minn stað.
Seyðisfirði, 27. maí 1998.
Jónas Hallgrímsson.``
Kristjana Bergsdóttir hefur áður tekið sæti á Alþingi og er hún boðin velkomin til starfa.