[prenta uppsett í dálka] 137. fundur, 122. lþ.
Frsm. heilbr.- og trn. (Össur Skarphéðinsson):
Herra forseti. Fyrr í vetur lagði hv. þm. Siv Fiðleifsdóttir ásamt nokkrum öðrum þingmönnum fram till. til þál. um að setja á stofn sérstaka blóðbankaþjónustu við þjóðarvá. Heilbr.- og trn. fjallaði um málið og í þessari tillögu er lagt til að skipuð verði nefnd sem á að hafa það verkefni með höndum að leggja fram tillögur um hvernig öryggi blóðbankaþjónustu skuli tryggt við stórslys og þjóðarvá.
Nefndin tekur undir efni tillögunnar og athugasemdirnar sem koma fram í greinargerðinni og leggur samhljóða til að hún verði samþykkt óbreytt.
