Hjálmar Jónsson:
Herra forseti. Í þessari atkvæðagreiðslu vegna stórframkvæmda vil ég láta þess getið sem kemur fram í nál. meiri hluta hv. samgn. þar sem segir svo, með leyfi forseta:
,,Óvissa er um val leiða og lausna á nokkrum stöðum sem fá fjárveitingar á seinni tímabilum áætlunarinnar. Á þetta meðal annars við um tengingu Siglufjarðar og Ólafsfjarðar, en þar er veitt fé til Lágheiðar á öðru og þriðja tímabili. Unnið er að skoðun allra mögulegra lausna á svæðinu, þar með talið gerð jarðganga sem stytta mundu leiðina mikið og bjóða upp á öruggara samband en vegur um Lágheiði getur gert. Miðað er við að þeirri skoðun verði lokið það snemma að taka megi ákvörðun um val lausna við næstu endurskoðun langtímaáætlunar.`` Á þessum forsendum segi ég já.