[prenta uppsett í dálka] 142. fundur, 122. lþ.
Frsm. efh.- og viðskn. (Einar Oddur Kristjánsson):
Herra forseti. Ég mæli fyrir nefndaráliti efh.- og viðskn. um frv. til laga um breyting á tollalögum, nr. 55/1987, með síðari breytingum.
Í frumvarpinu er lagt til að lögfestur verði sem viðauki við tollalög listi sem tilgreinir tilteknar vörur á sviði upplýsingatækni sem tollur falli niður af og óheimilt verði að leggja tolla á. Þá eru meðal annars lagðar til breytingar sem kveða á um solidariska ábyrgð flutningsmiðlana og farmflytjenda á greiðslu aðflutningsgjalda ásamt innflytjendum, breytingar sem snerta geymsluskyldu gagna og breytingar á ákvæðum um skipun tollvarða.
Einnig er lítil brtt. um breytingu á 18. gr. um að tollskrárnúmerið 8507.8010 í viðauka I breytist.
Þetta er tækniatriði, um er að ræða að fella niður tolla af svokölluðum umhverfisvænum rafhlöðum en það er rétt að taka það fram að rafhlöður eru ekki með tolli.
