Forseti (Ólafur G. Einarsson):
Ástæðan fyrir því að það mál er ekki á dagskrá er að það var mat forseta að um það mál yrðu langar umræður og þess vegna tók forseti þessa ákvörðun. Það er að vísu svo að á mælendaskrá eru aðeins þrír þingmenn en forseta er kunnugt um eftir að hafa kannað málið við ýmsa aðila, þar á meðal haldið fund með formönnum þingflokka, að fleiri mundu bætast á mælendaskrá og umræður yrðu langar. Þess vegna var það ákvörðun forseta að taka málið ekki á dagskrá.