[prenta uppsett í dálka] 5. fundur
Heilbrigðisráðherra (Ingibjörg Pálmadóttir) (andsvar):
Virðulegur forseti. Það er svo langt frá því að ég sé með útúrsnúninga. Það hefði verið gott ef hv. þm. Jóhanna Sigurðardóttir hefði verið við umræðuna í dag því þá hefði hún fengið svör við öllum þeim spurningum sem hún er að spyrja um. (Gripið fram í.) Það er ekki er hægt að endurtaka sig í sífellu. Af því að hv. þm. Jóhanna Sigurðardóttir spyr sérstaklega um tannlækningar þá fór ég yfir það fyrr í kvöld. Með aukinni tölvuvæðingu í Tryggingastofnun ríkisins er hægt að auka eftirlitið. Það er mat þeirra sem þar vinna að með auknu eftirliti getum við lækkað kostnaðinn. Ég trúi ekki að hv. þm. sé á móti því.
Varðandi spurninguna um 2,6 milljarðana væri hægt að spyrja svona í öllum málaflokkum. Það væri hægt að spyrja: Þarf 2,6 milljarða í menntamálin? Auðvitað væri hægt að svara því játandi alls staðar vegna þess að það væru not fyrir þessa peninga. En ég tel að með þeim hækkunum sem boðaðar eru í fjárlagafrv. séum við að stíga stórt skref fram á við.
