[prenta uppsett í dálka] 5. fundur
Guðrún Helgadóttir (andsvar):
Hæstv. forseti. Ég get ekki stillt mig um að upplýsa frekar um hinn horfna burðarvegg í húsinu í Washingston þar sem vinur okkar og félagi ætlar að búsetja sig. Það mun hafa verið ekkja Chiang Kai-sheks og vinkonur hennar sem ákváðu að taka vegginn í burtu. Eitthvað hafa þær verið slappar í burðarþolsfræðinni því húsið tók að síga þegar veggurinn var farinn, bara svo þjóðin viti þetta.
En það skýrir ekki fyrir mér þó það þyrfti að byggja húsið allt upp að nýju hvernig það getur kostað 95 millj. Það er sjálfsagt bara skortur minn á þekkingu á húsbyggingum en fyrr má nú vera skýlið yfir Jón Baldvin Hannibalsson og hans góðu konu að þetta skuli þurfa að kosta svona mikið. Öðru þarf ég ekki að svara sem hv. formaður fjárln. talaði um hér.
