Pétur H. Blöndal (andsvar):
Herra forseti. Á umræddum fundi í gærkvöldi kom fram það sjónarmið að skattur á kvóta þýddi í reynd viðurkenningu á kvótaeigninni. Rökin eru eftirfarandi: Tekjuskatt greiðir sá sem hefur tekjurnar. Virðisaukaskatt greiðir sá sem fær virðisaukann. Eignarskatt greiðir sá sem á eignina og auðlindaskatt greiðir sá sem á auðlindina. Ég spyr því hv. þm.: Fellst hann á þessi rök? Fellst hann á það að skattur á kvóta þýði í reynd viðurkenningu á kvótaeigninni?