[prenta uppsett í dálka] 11. fundur
Jón Kristjánsson (andsvar):
Hæstv. forseti. Þetta andsvar var alveg dæmigert fyrir þá sem eru að leggja lóð sitt á vogarskálarnar til að leysa þau miklu og erfiðu vandamál sem uppi eru. Þá þykir langvænlegast til árangurs að ráðast á þann ráðherra sem er í forsvari fyrir málaflokkinn. Ég hélt að reynsla hv. fyrrv. heilbrrh. væri sú að það væri ekki líklegast til árangurs að heilbrrh. sæti undir árásum í hv. Alþingi fyrir að framkvæma stefnuna í hinum erfiða málaflokki.
Ég man þá tíð og það má vel vera að við þingmenn höfum tekið þátt í því þegar hann var heilbrrh. að ráðast á hann fyrir ýmislegt. En það er ekki vænlegt til árangurs. Ég held að þetta sé dæmigerð ræða um hvernig ræður hv. stjórnarandstæðinga eiga ekki að vera. Þetta var ómálefnalegt.
