[prenta uppsett í dálka] 19. fundur
Svavar Gestsson:
Herra forseti. Ég vil þakka hv. þm. Kristjáni Pálssyni fyrir að nefna þetta mál vegna þess að það undirstrikar þann vanda sem stjórn þingsins er í í sambandi við utandagskrárumræður og liggur þannig að í seinni tíð hafa menn tekið upp þann sið eða ósið eftir atvikum að skrá sig á utandagskrárumræður jafnvel margar vikur eða mánuði fram í tímann. Þar af leiðandi eru þessi mál orðin afar sérkennileg í þessari stofnun. Ég segi alveg eins og er að ég styð forseta í því að taka umræðu um formlegt þingskjal fram yfir utandagskrárumræðu. Þannig á það að vera og verður að vera.
