[prenta uppsett í dálka] 26. fundur
Dómsmálaráðherra (Þorsteinn Pálsson):
Herra forseti. Það er rétt hjá hv. fyrirspyrjanda að fyrr á þess ári skilaði nefnd sem ég skipaði því áliti að nauðsynlegt væri að endurnýja skipakost Landhelgisgæslunnar. Í framhaldi af því var ákveðið að hefja undirbúning að smíði nýs varðskips. Að undanförnu hefur verið unnið að ýmsum frumathugunum á því máli og stefnt hefur verið að því að framkvæmdanefnd sem muni sjá um verkið verði skipuð í þessum mánuði.
