[prenta uppsett í dálka] 27. fundur
Flm. (Hjörleifur Guttormsson):
Virðulegur forseti. Ég met það mikils við hæstv. landbrh. að koma hér til að ræða málið seint á degi og mjög gott að fá þær upplýsingar, sem fram hafa komið, inn í samhengi þessa máls sem nú fer til þingnefndar.
Ég heyri á hæstv. ráðherra að hann hefur þegar velt þessu máli fyrir sér og athugað mögulegar leiðir. Ég tek undir það að auðvitað þarf að skoða báða kosti --- að nýta gildandi lagaákvæði en hika ekki við að setja ný ákvæði til að styrkja stöðuna ef reynist á því þörf við athugun málsins. Ég vænti þess að tillagan, samþykkt af hv. Alþingi eftir athugun hv. landbn., geti orðið góður stuðningur við framkvæmdarvaldið í þessum málum og hæstv. landb.- og umhvrh.
