[prenta uppsett í dálka] 32. fundur
Heilbrigðisráðherra (Ingibjörg Pálmadóttir):
Virðulegi forseti. Varðandi heimahlynningu þá hefur hún aukist mjög á undanförnum árum. Heimahjúkrun hefur aukist og hlynning sem t.d. Krabbameinsfélagið veitir en almannatryggingakerfið greiðir. Verið er að bjóða í auknum mæli upp á sérhæfða hjúkrun heima og sólarhringshjúkrun þannig að hún hefur aukist verulega. Auðvitað er það ekki það sem við stefnum að, að sjúklingar liggi á göngum, enda er reynt að sporna gegn því með ýmsum hætti eins og ég sagði áðan. Það er verið að byggja upp einmitt til þess.
