[prenta uppsett í dálka] 35. fundur
Frsm. efh.- og viðskn. (Ágúst Einarsson):
Herra forseti. Ég mæli fyrir nál. frá efh.- og viðskn., á þskj. 395, um 147. mál sem er stjfrv. um hlutafélög.
Í frv. eru lagðar til breytingar á hlutafélagalögum, vegna athugasemdar Eftirlitsstofnunar EFTA á grundvelli samanburðar á ákvæðum laganna og félagsréttartilskipunarinnar en þær eru hluti af EES-samningnum.
Þetta eru einfaldar lagfæringar, tæknilegs eðlis, sem er nauðsynlegt að fella inn í löggjöf okkar.
Í öðru lagi er lagt til í frv. að samræma hlutafjárlöggjöfina fyrirhugaðri setningu laga um rafræna skráningu verðbréfa sem heimila rafræna útgáfu hlutabréfa. Það er fellt inn í þetta frv. Nefndin leggur til að frv. verði samþykkt en þó þannig að nefndin flytur tvær brtt. sem eru alfarið tæknilegs eðlis. Önnur er um prentvillu, að í stað orðsins handhafa komi hluthafa. Í öðru lagi var röng tilvísun í tiltekna lagagrein. Nefndin leggur til að þær brtt. verði samþykktar en frv. að öðru leyti samþykkt.
Að þessu nál. standa allir nefndarmenn í efh.- og viðskn.
