[prenta uppsett í dálka] 42. fundur
Svanfríður Jónasdóttir:
Herra forseti. Framlag til Námsgagnastofnunar byggir á framlagi á hvern nemanda. Það framlag er nú rúmlega 5.000 kr. en var t.d. um 6.500 árið 1991. Á sama tíma hafa verið gerðar auknar kröfur um framboð og gæði námsefnis. Framlög til námsefnisgerðar eru í engu samræmi við þær kröfur sem gerðar eru til árangurs í skólastarfinu. Við því verður að bregðast. Annað er fráleitt, ekki síst í ljósi þeirra orða sem voru látin falla á síðasta vetri við umræðu um svokallaða TIMSS-rannsókn. Þess vegna segi ég já.
