Sighvatur Björgvinsson:
Virðulegi forseti. Við Íslendingar gumum okkur gjarnan af því að við séum í hópi 10 efnuðustu þjóða heims og lifum við lífskjör sem fáar þjóðir í veröldinni ná jafngóðum. Samt sem áður er það rétt hjá hv. þm. Steingrími J. Sigfússyni, að við getum okkur það orð á alþjóðavettvangi að leggja einna minnst allra þjóða til þróunaraðstoðar. Það er smánarblettur á okkur Íslendingum sem hrósum okkur gjarnan af ríkidæmi okkar hve við stöndum illa að verki í því máli. Því mun ég greiða atkvæði með þessari tillögu.