[prenta uppsett í dálka] 42. fundur
Margrét Frímannsdóttir:
Virðulegi forseti. Í langflestum tilvikum greiðir stjórnarandstaðan atkvæði með úthlutun safnliða þó deildar meiningar séu um hvernig þeim skuli fyrir komið. Mig langar til þess að vekja athygli á því að oft sér maður einkennilega þætti inni á þessum safnliðum og virðist vera svolítið ruglingskennt undir hvaða ráðuneyti þeir flokkast. Í 12. lið eru framlög til Verndar, fangahjálpar sem ég styð að sjálfsögðu að fái framlög, en Vernd starfar samt sem áður í samstarfi við Fangelsismálastofnun. Því væri eðlilegra að þessi liður heyrði undir dómsmálin heldur en félagsmálin þar sem um fastan samning er að ræða.
