Menntamálaráðherra (Björn Bjarnason) (andsvar):
Herra forseti. Að því er varðar greiðslur til einstakra deilda í Háskóla Íslands þá mun það ráðast af reiknilíkaninu hvernig fjármunir háskólans skiptast á milli deilda. Eitt af þeim atriðum sem m.a. hafa valdið vandkvæðum innan háskólans við að ná niðurstöðu um reiknilíkanið er tilfærsla á fjármunum á milli einstakra deilda. En reiknilíkanið sem verið er að fjalla um núna og hefur verið í mótun innan háskólans mun ráða því hvernig fjárstreymi er háttað til einstakra deilda.