[prenta uppsett í dálka] 44. fundur
Svanfríður Jónasdóttir:
Herra forseti. Í 4. gr. frv. er m.a. fjallað um skrásetningargjald sem samkvæmt textanum skal ekki vera hærra en 25 þús. kr. Ég vil vekja athygli á samhljóða túlkun hv. menntmn. á þessari grein þar sem fram kemur að á bak við töku skrásetningargjalds þarf að vera skilgreindur kostnaður og jafnframt hitt að skrásetningargjald getur verið lægra og mun lægra en 25 þús. kr. þó það geti aldrei orðið hærra.
