[prenta uppsett í dálka] 47. fundur
Samgönguráðherra (Halldór Blöndal):
Herra forseti. Vegna athyglisverðra athugasemda hv. þm. Alþfl. tel ég nauðsynlegt að fram komi að ég lít svo á þegar spurt er hvort ráðherra hafi upplýsingar um markaðshlutdeild tveggja stærstu fyrirtækja landsins í sjóflutningum að þá ætlist fyrirspyrjandi til að reynt sé að gera efnislega grein fyrir samkeppnisumhverfi því sem hér er í sjóflutningum. Ég svaraði því eftir bestu getu og var ekki með útúrsnúninga í því sambandi.
Annars veit ég ekki, herra forseti, hvort það er þinglegt að segja, en fyrir skömmu talaði einn af þingmönnum Alþfl. um að vel færi á að Marteinn Mosdal svaraði fyrir mína hönd í þessum ræðustól. Áðan heyrðist mér Alþfl. þegar hafa séð fyrir því að hann kæmi hér í ræðustólinn og svaraði fyrir mig, Marteinn Mosdal hv. þm.
