[prenta uppsett í dálka] 48. fundur
Guðný Guðbjörnsdóttir:
Virðulegi forseti. Verið er að samþykkja rammalöggjöf um háskólastigið sem er eðlilegt í ljósi þess að fyrirsjáanlegt er að háskólastigið og ræktun mannauðsins yfirleitt mun vaxa að mikilvægi og umfangi í fyrirsjáanlegri framtíð. Á frv. eru þó annmarkar sem birtast annars vegar í ofstjórnartilhneigingu á háskólunum og hins vegar í afnámi á lagagreinum sem snerta bann við skólagjöldum og jafnrétti í skólastarfi. Af þessum sökum mun ég sitja hjá við afgreiðslu frv.
