[prenta uppsett í dálka] 48. fundur
Svanfríður Jónasdóttir:
Herra forseti. Sú málefnalega afstaða sem tekin var af hálfu minni hlutans gegn einstaka greinum í frv. til háskóla hefur ekki áhrif á það að við styðjum heils hugar það frv. sem hér liggur fyrir um Kennaraháskóla.
Eins og fram hefur komið er verið að sameina fjóra skóla í einn. Það mun leiða til þess að kennaramenntun í landinu mun stóreflast. Við trúum því að rannsóknir í þessum efnum muni einnig aukast. Við teljum að verið sé að stíga gæfuspor og styðjum þess vegna frv.
