[prenta uppsett í dálka] 49. fundur
Pétur H. Blöndal:
Herra forseti. Hv. þm. Ögmundur Jónasson, formaður BSRB, lýsti því yfir áðan að fjmrn. hefði leitað samninga við BSRB og fengið samninga um breytingu á frv. BSRB er sem sagt farið að stýra löggjafarstörfum á Alþingi. Breytingin felst í því að ekki má taka 19,5% af launum þeirra sem borga í B-deildina heldur sama iðgjald og er í A-deildinni, þ.e. 15,5%. Það er alveg greinilegt að það þarf miklu hærra iðgjald í B-deildina. Það þarf a.m.k. 19,5% þannig að ég greiði atkvæði gegn tillögunni og gegn íhlutun BSRB í löggjafarstarf hv. Alþingis.
