Svavar Gestsson:
Herra forseti. Í nefndaráliti allshn. stendur, með leyfi forseta:
,,Allsherjarnefnd leggur áherslu á að nefnd þeirri sem endurskoða á skaðabótalögin verði veittar þær upplýsingar sem hún telur nauðsynlegar við vinnslu málsins, en allsherjarnefnd hefur beitt sér fyrir því að svo verði. Enda þótt í frumvarpinu komi fram að ljúka skuli málinu eigi síðar en í október 1998 leggur allsherjarnefnd ríka áherslu á það að endurskoðunarnefndin ljúki störfum þannig að unnt verði að ganga frá nauðsynlegum lagabreytingum á vorþingi 1998.``
Það er þess vegna ljóst að hér er verið að taka ákvörðun um að málið komi aftur til meðferðar á þessu þingi. Þess vegna styð ég tillöguna eins og hún liggur fyrir.