Ásta R. Jóhannesdóttir:
Herra forseti. Ég vek athygli á því að samgn. í heild hefur lýst óánægju sinni með 1 milljarðs 64 millj. kr. niðurskurð á vegafé. Sömu þingmenn og lýstu þessu yfir eru að styðja 100 millj. kr. meiri niðurskurð á mörkuðum tekjustofnum til vegamála og meira að segja er einn úr samgn. flutningsmaður að niðurskurðartillögunni. (Gripið fram í: Hvað heitir hann?) Það er varla hægt að segja að þessir þingmenn séu samkvæmir sjálfum sér í málinu. Ég mótmæli þessum niðurskurði í góðærinu.