Guðmundur Árni Stefánsson:
Virðulegi forseti. Ég leggst vitaskuld eindregið gegn niðurskurðinum sem er enn viðbót við þann sem fyrir var og auðvitað verður ekki hjá því komist að vekja á því athygli að niðurlæging hæstv. samgrh., stjórnarliða í hv. samgn. og þingmanna stjórnarliðsins yfirleitt og þá einkum og sér í lagi í hinum dreifðari byggðum, er alger í þessari atkvæðagreiðslu. Þetta verður í minnum haft.