[prenta uppsett í dálka] 51. fundur
Kristín Halldórsdóttir:
Herra forseti. Ég styð að fjármagni sé varið til markaðsátaks erlendis í ferðaþjónustu ef skynsamlega er staðið að verki. En ég er ósátt við þá aðferð sem er lögð til, þ.e. að ráðherra geti plokkað að eigin geðþótta milljón hér og milljón þar af þeim stofnunum sem heyra undir hann. Eðlilegt væri að sýna það svart á hvítu í fjárlögunum hvaðan féð er tekið. Því sit ég hjá við afgreiðslu tillögunnar.
