[prenta uppsett í dálka] 62. fundur, 123. lþ.
Árni R. Árnason (um atkvæðagreiðslu):
Herra forseti. Ég hef veitt því athygli að mál sem varða reglur um happdrætti, hvers konar happdrætti sem það kunna að vera, eru öll á verksviði dómsmrn. Þau eru talin varða réttarreglur en ekki efnahags- og viðskiptamál, enda hygg ég að efnahagslegt vægi þessara atriða sé tiltölulega lítið og skipti kannski meira máli að þar séu leikreglur sem séu í lagi fyrir alla þátttakendur.
