Dómsmálaráðherra (Þorsteinn Pálsson):
Herra forseti. Ef grunur er fyrir hendi um refsiverða háttsemi ber lögregluyfirvöldum að rannsaka þau mál og hugsanlega eftir atvikum jafnvel ríkissaksóknara að kveða á um rannsókn eða ákæru í einstökum tilvikum. Lögum samkvæmt er það hlutverk lögregluyfirvalda og ákæruvalds að annast rannsókn og eftir atvikum ákæru þegar slík mál koma upp en ekki dómsmrn.