[prenta uppsett í dálka] 70. fundur, 123. lþ.
Össur Skarphéðinsson (andsvar):
Herra forseti. Sökum þess hvernig tíma okkar er háttað nákvæmlega núna þegar við erum að ræða þetta mál, þá ætla ég ekki að fara í neina efnislega umræðu um frv. Ég ætla þó að nota tækifærið til þess að spyrja hæstv. ráðherra um eitt atriði.
Meðal þeirra nýmæla sem kynnt eru í frv. er að hæstv. heilbrrh. mun nú skipa, verði frv. að lögum, einn fulltrúa í allar stjórnir stofnana fyrir aldraða. Þetta var ekki svona áður og mig langar til þess að spyrja hæstv. ráðherra hverju þetta sætir og hvers konar viðtökur þetta hafi fengið í hópi þeirra 16 eða 17 umsagnaraðila sem sendu inn umsagnir um frv. til ráðuneytisins.
