Jóhanna Sigurðardóttir:
Herra forseti. Í umsögn Þjóðhagsstofnunar um tillöguna segir að markmið hennar sé virðingarvert en ekki raunhæft. Undir það tek ég.
Í tillögunni skortir verulega á aðgerðir af hálfu ríkisstjórnarinnar, sérstaklega til skemmri tíma til að sporna við því hættuástandi sem nú er á landsbyggðinni. Því rétt að ríkisstjórnin beri sjálf ábyrgð á því sem hér er lagt til um stefnu í byggðamálum fram til ársins 2001 enda hlýtur það að vera verk nýrrar ríkisstjórnar að marka skýrari og árangursríkari stefnu í byggðamálum en hér er lagt til. Ég greiði ekki atkvæði.