Frsm. meiri hluta efh.- og viðskn. (Vilhjálmur Egilsson):
Virðulegi forseti. Ég mæli fyrir nál. og brtt. frá meiri hluta efh.- og viðskn. um frv. til laga um breytingar á lögum um Nýsköpunarsjóð atvinnulífsins.
Nefndin fjallaði um málið og sendi það til umsagnar. Nefndin gerir tillögu um eina litla breytingu þannig að inn komi ný grein sem felur í sér að ársreikningi sjóðsins skuli fylgja skrá yfir hlutafjárkaup, lánveitingar og óafturkræf framlög. Þetta mál var nokkuð rætt í nefndinni og niðurstaða meiri hlutans var að flytja brtt. þessa efnis.