Gísli S. Einarsson:
Herra forseti. Málefni sjómanna á strandveiðiflotanum eru satt að segja í mjög snúinni stöðu. Stjórn kvótakerfisins hefur leitt af sér örbirgðarástand hjá fjölmörgum sjómönnum á smábátum og dagróðrabátum. Málið þarf ekki bara umræðu heldur jákvæða afgreiðslu og það er auðvelt að afgreiða þetta mál á þeim tíma sem eftir lifir ef vilji er til staðar. Ég segi já.