Frsm. meiri hluta iðnn. (Stefán Guðmundsson) (andsvar):
Virðulegur forseti. Mér er ljúft að svara hv. þm. Ragnari Arnalds og það hreint út. Ef um einhverja ábyrgð er að ræða í þessu þá er hún mín. Ég tók það fram í máli mínu áðan að það var mitt mat að þetta væri ekki hægt, það væri ekki hægt að koma þessu máli inn öðruvísi en þetta gerðist á þennan hátt. Hv. þm. veit, og ég veit að hann mun viðurkenna það, hverjar óskir kvikmyndagerðarmanna voru um þetta mál. Þær voru á þann veg að við legðum málið fram óbreytt, við legðum ekki í neina tvísýnu með málið. Svo áríðandi væri að fá málið afgreitt.
En til að taka af allan vafa þá endurtek ég: Ef um einhverja ábyrgð er að ræða og menn vilja leita að sökudólgi í málinu þá er það sá sem hér stendur.