[prenta uppsett í dálka] 85. fundur, 123. lþ.
Ágúst Einarsson:
Herra forseti. Undirritun Kyoto-bókunarinnar mundi staðfesta vilja Íslendinga til að axla ábyrgð í umhverfismálum með öðrum þjóðum. Ríkisstjórnin hafnar undirritun og gerir Íslendinga ótrúverðuga og marklausa á alþjóðavettvangi. Við erum eina OECD-ríkið sem undirritar ekki bókunina fyrir 15. mars og verðum því ekki stofnaðilar.
Það er skömm að afstöðu ríkisstjórninnar. Þetta var fyrsta þingmál Samfylkingarinnar og skilin milli ríkisstjórnar og Samfylkingar í umhverfismálum eru skýr. Við viljum vinna að umhverfismálum á trúverðugan hátt og sterk siðferðisrök mæla með undirskrift.
Herra forseti. Ég er andvígur því að vísa málinu til ríkisstjórnarinnar.
