[prenta uppsett í dálka] 3. fundur, 123. lþ.
Félagsmálaráðherra (Páll Pétursson) (andsvar):
Herra forseti. Ég sé ekki að það sé endilega bráðnauðsynlegt að ganga frá viðbótarfjárveitingu til Jafnréttisráðs á þessu stigi vegna jafnréttisáætlunarinnar. Þar hafa nú verið gerðar úttektir og unnið að ýmsu á vegum ráðsins að undanförnu án þess að til aukafjárveitinga kæmi. Jafnréttisráð er með vissum hætti í nokkuð lausu lofti eins og stendur vegna endurskoðunar laganna. Þegar við höfum fest okkur niður á lagarammann þá getur það hugsanlega kallað á aukafjárveitingu í fjáraukalögum næsta árs.
