[prenta uppsett í dálka] 7. fundur, 123. lþ.
Félagsmálaráðherra (Páll Pétursson):
Herra forseti. Ég er ekki alveg tilbúinn að höggva á þennan hnút að svo komnu máli. Það eru tvær hliðar á þessu máli, þ.e. að það getur komið sér illa fyrir starfsmann að hafa það á bakinu um alla framtíð af hverju hann hafi verið látinn hætta störfum. Ég er ekki tilbúinn að kveða upp úr með þetta endanlega hér en ég lít svo á að við eigum að vinna að því að fullgilda ILO-samþykktirnar eftir því sem við höfum föng á.
