Sjávarútvegsráðherra (Þorsteinn Pálsson) (andsvar):
Herra forseti. Þetta frv. er það sama og getið er um á lista yfir stjfrv. sem fylgdi stefnuræðu hæstv. forsrh. Hins vegar má það vera ljóst að stefna ríkisstjórnarinnar í málefnum sjávarútvegsins er miklu víðfeðmari en svo að hún rúmist í þessu litla frv. og hélt ég satt best að segja að ekki hefði þurft að taka það sérstaklega fram hér á hinu háa Alþingi. En að gefnu því tilefni að fyrirspurnin er borin fram þá er rétt að því sé svarað.