Heilbrigðisráðherra (Ingibjörg Pálmadóttir):
Virðulegi forseti. Ég hirði lítið um útúrsnúninga hv. þm. Ef hv. þm. veit ekki að sjúkraskrár eru ekki geymdar í Tryggingastofnun og heldur ekki í lyfjaverslunum, þá veit hann það nú. Í frv. stendur skýrum stöfum að það séu upplýsingar úr sjúkraskrám sem fari í miðlægan gagnagrunn. Þangað fara því engar upplýsingar frá þessum stofnunum sem ég hef hér nefnt og því ástæðulaust að ræða það meira hér.