[prenta uppsett í dálka] 10. fundur, 123. lþ.
Heilbrigðisráðherra (Ingibjörg Pálmadóttir):
Virðulegi forseti. Vegna þessa síðasta sem fram hefur komið þá er það þannig að ef tölvunefnd telur að upplýsingar séu persónugreinanlegar þá verða engar upplýsingar settar í grunninn. Það er mergurinn málsins, hv. þm.
Varðandi vísindasiðanefnd og rekstur grunnsins þá verður sérstakri nefnd falið eftirlit með grunninum og á hún að gefa vísindasiðanefnd reglulega upplýsingar. Nefndin á að geta svarað öllum þeim spurningum sem vísindasiðanefnd leggur fyrir hana.
