Ólafur G. Einarsson (andsvar):
Herra forseti. Nei, ég get ekki svarað spurningunni um hvað líði endurskoðun á bankakerfinu. Mér er alveg ókunnugt um það. En varðandi útboðið á endurskoðun hjá ríkisbönkunum, þá er það ekki í neinum tengslum við bréf þingflokks jafnaðarmanna. Eins og ég held að hafi komið fram í framsöguræðu minni er það útboð gert vegna þess að þetta eru það stór viðfangsefni að okkur ber að bjóða þetta út samkvæmt samningnum sem við höfum undirgengist.