Forseti (Guðni Ágústsson):
Vegna ræðu hv. þm. vill forseti taka fram að í þingsköpum Alþingis, í 63. gr., stendur:
,,Forseti getur heimilað, ef ósk berst um það frá flutningsmanni eða flutningsmönnum og enginn þingmaður andmælir því, að umræður fari fram um tvö eða fleiri dagskrármál í einu ef þau fjalla um skyld efni eða það þykir hagkvæmt af öðrum ástæðum.``
Þarna segir ,,ef enginn þingmaður andmælir`` og hér liggur fyrir að hæstv. heilbrrh. andmælir. Þess vegna er það alveg skýrt hjá þeim forseta sem nú er á forsetastóli að þeirri niðurstöðu verði að hlíta.