[prenta uppsett í dálka] 11. fundur, 123. lþ.
Einar Oddur Kristjánsson (andsvar):
Herra forseti. Á málþingi háskólarektors nú um helgina kom skýrt og greinilega fram hjá fleiri en einum og fleiri en tveimur okkar fremstu vísindamanna í stærðfræði að hægt væri að gera þetta, ekki eingöngu með því að brjótast inn heldur mætti gera þetta á löglegan hátt. Eins kom fram það sjónarmið að læknisfræðileg þörf gæti kallað á að opna gagnagrunninn. Ég er ekki frá því að sá tími gæti komið að vegna læknisfræðilegrar nauðsynjar verði að opna hann. Þess vegna lagði ég fram þessa spurningu.
